АҚШ аэропортларида қочқинларни ушланишига қарши намойишлар бўлиб ўтмоқда

АҚШнинг Нью Йорк шаҳридаги Жон Кеннеди номли халқаро аэропортидаги намойишлар, бу ерда 12 нафар қочқин ушланганидан сўнг, авж олиб кетди. Қочқинлар АҚШ миграция сиёсати кучайтирилгани сабабли ушланган эди. 300 нафардан ортиқ намойишчи аэропорт халқаро терминалларидан бирининг келиш ҳудудида тўпланишди.

Уларнинг қўлларида «Тақиқларга йўқ», «Деворга йўқ», «Қочқинлар хуш келибсиз» каби сўзлар битилган плакатлар бор эди. Хабар қилинишича, плакатлардан бирида АҚШ президенти Дональд Трампга қарши импичмент ва унинг рафиқаси Меланияни мамлакатдан чиқариб юборишга доир чақириқ ҳам бўлган. Тўпланганлар: «Йўқолсин кўролмаслик, йўқолсин қўрқув. Қочқинлар бу ерда олқишланади» дея бақиришмоқда. «Бугун биз ва дўстларимиз мамлакат узра узоқ муддатли қаршиликни бошладик», — деган ушланган қочқинлар адвокати Жекки Эспозито. Қуйида намойишлардан фотолавҳаларни томоша қилишингиз мумкин.