Қўшимча функционаллар
-
Тунги кўриниш
Nvidia компаниясининг капиталлашуви тарихдаги рекорд даражага етди
Дунёдаги энг қиммат компания янги маррага кўтарилди.
Фото: Reuters
9 июл куни фонд биржаларидаги савдолар очилишидан сўнг, чип ишлаб чиқарувчи Nvidia акциялари 2 фоизга қимматлашди. Натижада, Америка компанияси 4 триллион долларлик капиталлашув чегарасидан ошиб кетди, деб хабар берди Reuters.
Nvidia капиталлашуви 3 триллион доллардан ошган Microsoft ва Apple компанияларини ортда қолдириб, дунёдаги энг қиммат компанияга айланди.
Nvidia капиталлашуви 2023 йил июн ойида 1 триллион долларга етган эди ва тахминан бир йил ичида уч баробарга ошди.
Nvidia компаниясининг S&P 500 индексидаги улуши ҳозир 7,3 фоизни ташкил қилади. Бу бошқа компанияларга қараганда кўпроқ. Apple ва Microsoft улуши мос равишда тахминан 7 фоиз ва 6 фоизни ташкил қилади.
2025 йил бошидан буён компания чиқарган акцияларининг умумий қиймати 20 фоизга ўсди. Инвесторларнинг оптимизми сунъий интеллектнинг (СИ) кескин ривожланиши билан боғлиқ: Nvidia чиплари СИ моделларини ўқитиш учун ишлатилади.
Январ ойида Nvidia капиталлашуви Хитойнинг DeepSeek сунъий интеллект стартапи оммабоплиги туфайли 600 миллиард долларга камайди. Апрел ойида эса акциялар нархи Доналд Трампнинг импорт қилинадиган товарларга божлар жорий этишини эълон қилиши туфайли янада тушиб кетди.
Мавзуга оид
21:18 / 02.07.2025
Microsoft 9 минг нафарга яқин ходимини ишдан бўшатади
21:12 / 02.07.2025
Apple Ҳиндистонда iPhone ишлаб чиқаришни кенгайтиришда кутилмаган муаммога дуч келди
23:55 / 01.07.2025
Microsoftʼнинг янги сунъий интеллекти ташхисларни шифокорлардан тўрт марта аниқроқ қўймоқда
17:24 / 29.06.2025