Samarqandda ota egiz farzandlari uchun 84 million so‘m aliment to‘ladi

Foto: KUN.UZ
Samarqand viloyati Payariq tumanida ota egiz farzandlari uchun 84 million so‘m aliment to‘lagan. Bu haqda tuman MIB bo‘limi xabar bermoqda.
Ma'lum qilinishicha, Fuqarolik ishlari bo‘yicha Ishtixon tumanlararo sudining qarori bilan fuqaro B.J.dan undiruvchi B.G.ga ikki nafar farzandining moddiy ta'minoti uchun daromadining uchdan bir qismi miqdorida aliment undirish belgilangan.
Bu holat bo‘yicha MIB Payariq bo‘limi tomonidan ijro ishi yuritilgan. Ammo fuqaro B.J. aliment to‘lovlarini to‘lamasdan kelgan. MIB xodimlari tomonidan qarzdor B.J. bilan tushuntirish ishlari o‘tkazilgan va unga farzandlarini moddiy qo‘llab-quvvatlash har bir otaning burchi ekani tushuntirilgan.
Bunday maslahat va suhbatdan o‘ziga to‘g‘ri xulosa chiqargan qarzdor ota o‘sha kuni farzandlari ta'minotini o‘ylab, shu paytgacha bo‘lgan qarzi 84 million 280 ming so‘m pulni to‘lab bergan.
Mavzuga oid

14:15 / 09.04.2025
Toshkent shahrida ota 1,7 mlrd so‘m aliment to‘ladi

12:28 / 26.12.2024
Navoiyda 2,5 yildan beri qidiruvda bo‘lgan ota “dacha”dan topildi

16:17 / 02.11.2024
Andijonda ishchidan alimentdan qarzini ushlab qolmagan fermer jarimaga tortildi

17:12 / 30.10.2024