O‘zbekiston Belgorodga insonparvarlik yordami yubordi

Yukda bolalar va kattalar kiyim-kechaklari, dori-darmonlar, birinchi sinf o‘quvchilari uchun maktab to‘plamlari mavjud.

O‘zbekiston 26 avgust kuni Rossiyaning Belgorod viloyati Shebekinskiy tumani aholisiga 12 tonna insonparvarlik yordami yubordi. Bu haqda Rossiya TIV rasmiy vakili Mariya Zaxarova ma’lum qildi.

Yukda bolalar va kattalar kiyim-kechaklari, dori-darmonlar, birinchi sinf o‘quvchilari uchun maktab to‘plamlari mavjud. Insonparvarlik yordami davlat, jamoat va nodavlat tashkilotlari orqali amalga oshirilgan.

“Rossiya tomoni O‘zbekiston rahbariyati va uning fuqarolariga ikki mamlakat o‘rtasidagi mustahkam do‘stlik, strategik sheriklikka asoslangan munosabatlar darajasini aks ettiruvchi ushbu harakat uchun minnatdorlik bildiradi”, — deyiladi ma’lumotda.

#yordam #Belgorod