Azal авиакомпанияси Бокудан Фарғонага парвозларни йўлга қўйди

15 декабрь куни маҳаллий вақт билан соат 04:15да Озарбойжоннинг Azal авиакомпанияси самолёти Фарғонага келиб қўнди. Бу ҳақда Uzbekistan Airports хабар бермоқда.

Фото: ainonline

Боку - Фарғона - Боку йўналишини очган Airbus А320 борти анъанавий тарзда сув аркаси билан, экипаж ва йўловчилар эса карнай ва сурнай садолари остида тантанали равишда кутиб олинди.

Мунтазам рейслар ҳафтада бир марта — пайшанба кунлари амалга оширилиши режалаштирилган.

Фарғона Озарбойжон авиаташувчиси парвоз қила бошлаган Ўзбекистондаги учинчи шаҳарга айланди. Бокудан Тошкентга рейслар ҳафтасига икки марта - пайшанба ва якшанба кунлари мунтазам равишда амалга оширилади. Бокудан Самарқандга - сешанба ва пайшанба кунлари.

1992 йилда ташкил этилган «Озарбойжон ҳаво йўллари» (Azal) йирик авиаташувчи бўлиб, Boeing ва Airbus самолётлари замонавий паркига эга бўлган, МДҲ мамлакатлари авиация ҳамжамиятида етакчилардан бири ҳисобланади.

#Фарғона #Azal