Qoʻshimcha funksionallar
-
Tungi ko‘rinish
Amaldorlarning korrupsiyaga moyilligi tekshirilishi mumkin
O‘zbekistonda davlat xizmatchilarining korrupsiyaga moyilligini tekshirish amaliyotini joriy etish taklif etilmoqda. Bu haqda Korrupsiyaga qarshi kurashish agentligi direktori Akmal Burhonov ma’lum qildi.
Akmal Burhonov o‘z postiga ushbu suratni ilova qilgan.
Mazkur yangi tizim rahbarlik lavozimlarda ishlayotganlar va ushbu lavozimlar uchun zaxirada turganlarning korrupsiyaga moyilligi darajasini baholash orqali amalga oshiriladi, deya yozdi Burhonov Telegram'dagi kanalida.
“Bu – davlat xizmatiga adashib yoki noqonuniy boylik orttirish maqsadida kirib kelganlarni aniqlash, shuningdek, davlat idoralariga halol kadrlarni tanlab olish imkonini beradi”, – deydi agentlik direktori.
Akmal Burhonov korrupsiyaga moyillik aynan qanday qilib baholanishi borasida qo‘shimcha tafsilotlarni keltirmagan.
Avvalroq Kun.uz Guliston shahar hokimining sobiq o‘rinbosari xitoylik investorlarni chuv tushirgani uchun 9 yilga qamalgani, ayni paytda Romitan tumani hokimi o‘rinbosari ham firibgarlikda ayblanayotgani haqida xabar bergandi.
Mavzuga oid
10:31 / 25.07.2025
Sog‘liqni saqlash vaziri korrupsiyaga qarshi kurashishda jamoatchilikni hamkorlikka chaqirdi
12:15 / 24.07.2025
Ukrainada korrupsiyaga qarshi kurash agentliklari bilan bog‘liq vaziyat bo‘yicha namoyishlar davom etmoqda
15:09 / 23.07.2025
Ukrainada korrupsiyaga qarshi xizmatlar mustaqilligi bekor qilinishi mumkin
15:16 / 22.07.2025