Ispaniyada bananlar ortilgan konteyner ichidan 13 tonna kokain topildi
Bu mamlakat tarixida musodara qilingan eng katta partiyadir. Yuk Alikante provinsiyasidagi kompaniyaga yetkazilishi kerak bo‘lgan.

Foto: EFE
Ispaniya huquq-tartibot organlari og‘irligi 13 tonnaga teng kokainni to‘xtatib qoldi — bu mamlakat tarixida musodara qilingan eng katta partiyadir, deb xabar beradi El Mundo.
«Alxesiras portida ichida 13 tonna 62 kilogramm kokain ortilgan konteyner aniqlandi. Bu hozirga qadar Ispaniya hududida qo‘lga kiritilgan rekord darajadagi giyohvandlik vositasi», — deyiladi xabarda.
Ta’kidlanicha, bu Yevropa hududida aniqlangan eng yirik ikkinchi partiyadir. Giyohvandlik vositalari Ekvadordan kelgan, bananlar ortilgan konteyner ichiga yashirilgan. Yuk Alikante provinsiyasidagi kompaniyaga yetkazilishi kerak bo‘lgan. Ushbu kompaniya bir necha yil davomida Janubiy Amerika mamlakatidan katta miqdorda mevalarni qabul qilib kelgan, ammo keyinroq o‘z faoliyati to‘xtatgan.
Politsiya ma’lumotlariga ko‘ra, tintuv vaqtida bir nafar gumonlanuvchi qo‘lga olingan, import bilan shug‘ullangan kompaniyaning ikki menejeri esa qidiruvga berilgan.
Avvalroq Shimoliy Reyn-Vestfaliya federal yerida – Myonxengladbax, Duysburg va Krefeld shaharlarida, shuningdek, Firzen, Xaynsberg va Noys okruglarida joylashgan oziq-ovqat diskaunterining o‘n bir shoxobchasida banan qutilaridan paketlarda jami 95 kilogramm kokain topilgan edi.
Tavsiya etamiz
Trampni siylagan arablar, muzlatilgan savdo urushi va amalga oshmagan “duel” - Geosiyosiy hafta tahlili
Jahon | 16:04 / 17.05.2025
Tahdid va tarix haqida va’z: Istanbul muzokaralarida nimalar deyishdi?
Jahon | 13:33 / 17.05.2025
Haydovchilar uchun qator yengilliklar e’lon qilindi
O‘zbekiston | 18:04 / 16.05.2025
Shaharlarda yo‘l ta’mirlash ishlari faqat tunda amalga oshiriladi
O‘zbekiston | 17:20 / 16.05.2025
So‘nggi yangiliklar
-
Xitoyda sun’iy yomg‘ir yog‘dirish bo‘yicha tajriba o‘tkazildi
Fan-texnika | 02:08
-
Trampning Putinga nisbatan sabri tugashni boshladi - Finlandiya prezidenti
Jahon | 01:36
-
Fransiya Janubiy Amerika junglilarida qattiq tartibli qamoqxona quradi
Jahon | 23:27 / 18.05.2025
-
Isroil armiyasi G‘azo sektorida keng ko‘lamli quruqlikdagi harbiy harakatlarni boshladi
Jahon | 23:13 / 18.05.2025
Mavzuga oid

18:21 / 18.05.2025
Ispaniyada yuzlab boshpanasizlar aeroportni «egallab oldi»

11:55 / 15.05.2025
Ukraina Milliy xavfsizlik va mudofaa kengashi kotibining sobiq o‘rinbosari Ispaniyada ushlandi

00:12 / 05.05.2025
Ispaniyada farzandlarini to‘rt yil uydan chiqarmagan ota-ona hibsga olindi

21:18 / 29.04.2025