Qoʻshimcha funksionallar
-
Tungi ko‘rinish
BMT bosh kotibi rohingya millatiga nisbatan zo‘ravonlikni to‘xtatishga chaqirdi
Foto: AP
BMT bosh kotibi Antoniu Guterresh Myanma hukumatini rohingya musulmonlariga nisbatan zo‘ravonlikni va harbiy harakatlarni to‘xtatishga chaqirdi. Bu haqda Reuters axborot agentligi xabar berdi.
Guterreshning aytishicha, ushbu ixtilof butun mintaqaning beqarorlashuviga olib keladi. Uning ta'kidlashicha, Myanmada falokatli gumanitar vaziyat vujudga kelgan.
U dunyo mamlakatlarini gumanitar operatsiyalar o‘tkazish va gumanitar yordam yetkazish uchun birlashishga chaqirdi.
Avvalroq Indoneziya Bangladeshga myanmalik qochqinlar uchun 34 tonna gumanitar yordam jo‘natgani ma'lum qilingandi.
Asosan buddaviylardan iborat Myanma va rohingya musulmonlari o‘rtasidagi mojaro ko‘p yildan beri davom etib keladi. Buning asosiy sababi Myanma hukumatining rohingyalarni mamlakat fuqarolari deb tan olishni istamasligi hisoblanadi.
Myanma fojialari
O‘tib borayotgan hafta davomida Myanmada istiqomat qiluvchi kam sonli rohingya jamoalari yashaydigan 2,600 dan ortiq uylarga o‘t qo‘yildi.
Mavzuga oid
17:10 / 14.06.2025
BMT dunyoda tug‘ilishning kamayishi sabablarini aniqladi
23:21 / 13.06.2025
O‘zbekiston G‘azoda urushni to‘xtatish haqidagi BMT rezolyutsiyasiga qo‘shildi
23:02 / 12.06.2025
Global qochqinlar soni 2011 yildan beri birinchi marta kamaydi – BMT
13:42 / 07.06.2025